Ek het 'n plek waar ek veilig voel
'n stukkie son in die skadu van die stad se gewoel
Hier bly my vriende
Hier bly ek leer
Hoe ons mekaar regop hou
Deur die lewe en sy seer
Hier droom ons drome so helder soos die son
En donker tye weet ons dat die môre weer opkom

En hier deel ons ons vreugde
En hier deel ons soms 'n traan of twee
En wat ook al deur die jare gebeur
Ons help mekaar daar deur
En waar ek ook al gaan
My huis is op 7de Laan

Ek het 'n plek waar ek tuis kan wees
Die mooiste een straat dorpie
In die stad van vrees
Party is ryk en party is arm
Maar die jonges is cool
En die oues vuurwarm
Hier bou ons 'n lewe
Met die minste lawaai
Nou almal weet dat skinder nuus
Hierdie wêreld laat draai

En hier deel ons ons vreugde
En hier deel ons soms 'n traan of twee
En wat ook al deur die jare gebeur
Ons help mekaar daar deur
En waar ons ook al gaan
Ons huis is op 7de Laan